Иванов-Таҫук Трофим Иванович (16.07.1918-23.11.1972)

Поэт-сатирик, писатель, фельетонист.

1918 ҫулхи утӑ уйӑхӗн 29-мӗшӗнче хальхи Канаш районӗнчи Пукӑртан ялӗнче ҫуралнӑ.

Трофим Иванович Иванов-Таҫук Ҫӗнӗ Ачча ялӗнчи хресчен ҫамрӑкӗсен шкулӗнчен вӗренсе тухнӑ. Тӑван ялӗнчи "Динамо" колхозра председательте, районти Культура ҫуртӗнче, КПСС Канаш райкомӗнче, районти "Коммунизмшӑн" хаҫатра, Йӗпреҫри вӑрман хуҫалахӗнче ӗҫленӗ. Нумай ҫул "Капкӑн" журналта вӑй хунӑ.

Ытларах сатира жанрӗнче палӑрнӑ. "Тал пиҫен" (1965), "Хӗлӗх ала" (1969), "Ҫӗнӗ милӗк" (1978), "Курман-илтмен ҫынсем мар" (1980) кӗнекесен авторӗ.

Тӑван Ҫӗршывӑн Аслӑ вӑрҫине хутшӑннӑ.

1972 ҫулхи чӳк уйӑхӗн 23-мӗшӗнче Шупашкарта вилнӗ.