Мустаева (Федорова) Елена Николаевна (27.01.1966).

Журналист, Раҫҫей, Ульяновск облаҫӗнчи журналистсен Союзӗн членӗ (2000).

1966 ҫулхи кӑрлачӑн 27-мӗшӗнче Чӑваш Республикинче Вӑрнар районӗнчи Кушлавӑш ялӗнче ҫуралнӑ.

1983 ҫулта Кольцовкӑри вӑтам шкултан вӗренсе тухнӑ. 1983-1989 ҫулсенче И. Н. Ульянов ячӗллӗ Чӑваш патшалӑх университечӗн историпе филологи факультетӗнче вырӑс уйрӑмӗнче вӗреннӗ. 1991 ҫултан пуҫласа Ульяновск облаҫӗнчи "Канаш" хаҫатра ӗҫлет: корректор, корреспондент, ҫырусен пайӗн заведующийӗ, информаци пайӗн заведующийӗ, 2018 ҫултан - тӗп редактор. 1991 ҫултан пуҫласа чӑваш "Эткер" кӑларӑмӑн обществӑлла корреспонденчӗ пулса тӑрать. Нумай сюжетсен авторӗ, ҫӗртме уйӑхӗнчен пуҫласа 2008 ҫулхи авӑн уйӑхӗччен, ҫак кӑларӑма ертсе пынӑ. Массӑллӑ информаци хатӗрӗсем хушшинче журналистсен область конкурсӗн призерӗ (2000).

Е. Мустаева "Шевле" литература пӗрлешӗвӗн членӗ, 2014 ҫулта Еврази писателӗсен пӗрлӗхӗн Кашкӑр Махмучӗ ячӗллӗ тӗнчери калавҫӑсен конкурсӗн чӑваш тапхӑринчи ҫӗнтерӳҫи (2-мӗш вырӑн), 2015 ҫулта "Тӑван Атӑл" журналти калавҫӑсен конкурсӗнче 2-мӗш вырӑн йышӑннӑ. Унӑн произведенийӗсем "Шевле ҫути" сборникре, хаҫат-журналсенче пичетленӗ. Кӗнекесен авторӗ: "Аннесене каҫараҫӑ", "Уй варринче ҫинҫе хӑва".