Изедеркина (Ильина) Нина Борисовна (15.02.1949)

Писатель, артистка, Чӑваш Республикин писательсен пӗрлешӗвӗн членӗ (2001), А. Талвир ячӗллӗ преми лауреачӗ (2003).

1949 ҫулхи нарӑсӑн 15-мӗшӗнче Муркаш районӗнчи Исетерккӗ ялӗнче ҫуралнӑ.

Нина Борисовна Ильина (Изедеркина) Оренбург облаҫӗнчи Орск хулинчи А.С. Пушкин ячӗллӗ драма театрӗ ҫумӗнчи Театр студине вӗренсе пӗтернӗ. 1965-1967 ҫулсенче ҫак театрта ӗҫленӗ. Ун хыҫҫӑн 35 ҫул ытла культура учрежденийӗсенче вӑй хунӑ. Шупашкарти вырӑс драма театрӗнче (1973-1981) тата Чӑваш телевидени студийӗнче (1991-1990) гример-пастижер, Чӑваш кулӑшпа сатира театрӗнче (1990-2004) артистка пулнӑ.

"Ӳкнӗ хыҫҫӑн ҫӳлерех вӗҫетӗп" (2001), "Ман вӑрттӑн тӗнче, эс те ҫав тӗнчере" (2010) кӗнекесен авторӗ.