Лисина Ева Николаевна (26.07.1939).

Писатель, СССР писателӗсен союзӗн, халӗ Раҫҫей Писателӗсен союзӗн членӗ (1988).

1939 ҫулхи утӑ уйӑхӗн 26-мӗшӗнче Патӑрьел районӗнчи Именкасси ялӗнче ҫуралнӑ. Аслӑ Арапуҫӗнчи вӑтам шкулта, Мускаври К. А. Тимирязев ячӗллӗ ял хуҫалӑх академийӗнче вӗреннӗ. Мускаври М. В. Ломоносов ячӗллӗ университетӑн Ботаника садӗнче, И. Г. Сеченев ячӗллӗ медицина институтӗнче, Ют ҫӗршывсен литературин Пӗтӗм Союзри библиотекинче ӗҫленӗ. 1978-1983 тата 1989-1993 ҫулсенче Е . Лисина Мускаври М. С. Щепкин ячӗллӗ театр училищинче пулас чӑваш артисчӗсене чӑваш чӗлхине вӗрентнӗ.

Е. Лисина А. Н. Островский, Эдуардо де Филиппо, Пьестро Гаринеи, Сандро Джованнини тата Юджин О Нил пьесисене чӑвашла куҫарнӑ. Ева Лисинӑн чи малтанхи кӗнеки "Сказки" (1969) ҫулта вырӑсла пичетленсе тухнӑ. Ачасем валли кӑларнӑ чи лайӑх кӗнекесен Пӗтӗм Союзри пӗрремӗш конкурсӗнче "Хупах хӑлха Илюк" повеҫшӗн ҫыравҫӑ иккӗмӗш преми илнӗ (1987). "Нимӗҫ Хумӗ" радиостанци ирттернӗ конкурсра "Ҫӑкӑр чӗлхи" калавӗ пӗрремӗш вырӑн йышӑннӑ (1991). Паллӑрах кӗнекесем: "Ҫӗньял ачисем", "Хӗле кӗрес умӗн", "Хупах хӑлха Илюк", "Тепӗр ҫул та килетпӗр", "Ҫӑкӑр чӗлли", "Пӑркка мучи калавӗсем", "Вӗҫекен кӳлӗ", "Христос ҫуралнӑ ҫӗр"; вырӑсла "Сказки", Дети Синьяла", "Лопоухий Илюк".

"Чӑваш Республикин культурӑн тава тивӗҫлӗ ӗҫченӗ" (2001), "Чӑваш республикин тава тивӗҫлӗ ӗҫӗсемшӗн" орден медальпе наградӑланӑ (2010)

Награждена медалью ордена "За заслуги перед Чувашской Республикой" (2010), памятной медалью "100-летие образования Чувашской автономной области" (2020), Международной отметиной им. Давида Бурлюка.