Николаев (Шевле) Антип Николаевич (1924-1990).

Чӑваш ҫыравҫи, журналист журналист, Чӑваш АССР культурӑн тава тивӗҫлӗ ӗҫченӗ (1984), А. Гайдар, С. Эльгер премийӗн лауреачӗ, вӗсене (1976), Отечественнӑй Аслӑ вӑрҫӑра хутшӑннӑскер.

1924 ҫулхи утӑ уйӑхӗн 24-мӗшӗнче Вӑрнар районӗнчи Кӑмпал ялӗнче ҫуралнӑ.

Ҫар училищинче вӗреннӗ. 1945 ҫулта Инҫет Тухӑҫра яппун милитарисчӗсене хирӗҫ ҫапӑҫнӑ. Вӑрҫӑ хыҫҫӑн 1970 ҫулчен ҫар журналисчӗ пулса ӗҫленӗ. 1972 ҫултанпа, ҫар речӗнчен тухсан, Чӑваш Енӗн журналистсен пӗрлешӗвӗн яваплӑ секретарӗ пулнӑ.

Вӑл ҫырнӑ очерксемпе новеллӑсем Мускавра, Шупашкарта, Ҫӗн Ҫӗпӗрте, Барнаулра тухнӑ темиҫе автор пуххисенче тата журналсенче пичетленнӗ. Вӑл Чӑваш Ен паттарӗсем ҫинчен питӗ нумай ҫырнӑ. "Салтак чӗрин астӑвӑмӗ" ятпа кӑларнӑ 8 томлӑ документлӑ очерксем нихҫан тӗксӗмленми палӑк пулса тӑраҫҫӗ. Ку ӗҫе шута илмесӗр унӑн тата 20 патнелле кӗнеке тухнӑ: "Салтак юратӑвӗ", "Шавлӑр, хурамасем", "Полк анӑҫалла васкать", "Салтак мухтавӗ".

II степенлӗ Отечественнӑй вӑрҫӑ орденӗпе, медальсемпе наградӑланӑ.

1990 ҫулхи ака уйӑхӗн 3-мӗшӗнче ҫут тӗнчерен уйрӑлса кайнӑ.