Скворцов Аркадий Илларионович (08.07.1927).

Ҫыравҫӑ, журналист, ЧАССР культурӑн тава тивӗҫлӗ ӗҫченӗ (1977), СССР журналисчӗсен союзӗн членӗ (1957), Раҫҫей Федерацийӗн писательсен союзен членӗ (1996).

Чӑваш Республикин Муркаш районне кӗрекен Хурӑнкасси ялӗнче 1927 ҫулхи утӑ уйӑхӗн 8-мӗшӗнче ҫуралнӑ.

А. Скворцов Тӑван ҫӗршывӑн Аслӑ вӑрҫинче яппунсемпе ҫапӑҫнӑ. 1959 ҫулта Мускаври М.В. Ломоносов ячӗллӗ патшалӑх университетӗнчен вӗренсе тухнӑ. "Ҫамрӑк коммунист"‚ Шупашкарти агрегат заводӗнче тухса тӑнӑ "Рабочая жизнь" хаҫатсенче, Пӗтӗм Раҫҫейри историпе культура палӑкӗсене сыхлакан обществӑн республикӑри уйрӑмӗнче, Чӑваш кӗнеке издательствинче ӗҫленӗ.

Тӑван пиччӗшӗ – Юрий Скворцов ҫыравҫӑ ҫинчен кӑмӑллӑ аса илӳсем ҫырса кӑларнӑ, хӑйӗн "Они шагают в завтра", "Тӑкӑннӑ чечексем" кӗнекесем тухнӑ.