Ларионов Никита Ларионович (07.02.1932-21.09.2014)

Писатель, Раҫҫей писателӗсен пӗрлешӗвӗн членӗ (1994), СССР ҫӑмӑл атлетикӑпа спорт мастерӗ (1969).

1932 ҫулхи нарӑс уйӑхӗн 7-мӗшӗнче Элӗк районӗнчи Кармал ялӗнче ҫуралнӑ.

Никита Ларионович Ларионов Элӗкри вӑтам шкултан, Чӑваш патшалӑх педагогика институтӗнчен вӗренсе тухнӑ. Тӗрлӗ шкулта учитель пулса ӗҫленӗ.

Проза ӑсти. 1994 ҫулта Раҫҫей Федерацийӗн писательсен союзне кӗнӗ. Спорт мастерӗ пулнӑ май илемлӗ хайлавӗсенче физкультура енӗпе ӗҫлекен, спортра ҫитӗнӳсем тунӑ ҫынсен пултарулӑхне сӑнласа парать. Паллӑрах кӗнекисем: "Йӗпкӗн хӗрлӗ хаю" (1974), "Олимп каҫалӑкӗ", "Хӗр тупри", "Кӑмӑл пайӑркисем", "Асамлӑ маҫ" (2012) т. ыт. те.

2014 ҫулхи авӑн уйӑхӗн 21-мӗшӗнче Элӗк салинче вилнӗ.