Крысин (Микиш Павӑлӗ) Павел Афиногенович (25.01.1923-21.09.2014).

Журналист, СССР писателӗсен пӗрлешӗвӗн членӗ (1957), Раҫҫей Федерацийӗн писатӗлӗсен тата журналисчӗсен союзӗсен членӗ (1998), Чӑваш Республикин культура тава тивӗҫлӗ ӗҫченӗ, журналистсен Элкер ячӗллӗ премийӗн лауреачӗ. Совет телекуравӗпе радиовещанийӗн отличникӗ, «Хӗрлӗ Ҫӑлтӑр», Отечественнӑй вӑрҫӑн 2 степеньлӗ тата «Хисеп палли» орденӗсемпе тӗрлӗ медальсен кавалерӗ. Ӑна Чӑваш Республикин Аслӑ Совечӗн президиумӗн Хисеп грамотипе икӗ хутчен наградӑланӑ. Вӑл «Раҫҫей пресси 300 ҫулта» паллӑ илме тивӗҫлӗ пулнӑ.

1923 ҫулхи кӑрлачӑн 25-мӗшӗнче Муркаш районӗнчи Пӑсӑрман ялӗнче ҫуралнӑ.

Сӗнтӗрвӑрринчи ҫӗр йӗркелӳпе мелиорации техникумӗнче, Хусанти юридический институчӗнче вӗреннӗ. Тӑван Ҫӗршывӑн Аслӑ вӑрҫине хутшӑннӑ. 37 ҫул журналистикӑна халалланӑ. Республикӑри Коммунизм ялавӗ» хаҫатӑн пай заведующийӗ, редактор ҫумӗ, Чӑваш АССР Гостелерадио комитечӗн председателӗ, «Агитатор блокночӗ» журналӑн яваплӑ секретарӗ пулса ӗҫленӗ. 13 ҫул Чӑваш Енри Журналистсен союзне ертсе пынӑ. Вӑл пуҫарнипе республикӑри журналистсен Ҫемен Элкер ячӗллӗ премине йӗркеленӗ.

Писатель кулӑшла кӗнекесем ҫырнӑ. Вӗсене республикӑри хаҫат-журналта пичетлесех тӑнӑ: «Тем те пулать пурнӑҫра», «Предупреждать и воспитывать», «Хӑвилософ», «Хушаматлӑ алӑк», «Все мечтают о сладкой жизни», "Парӑнман, ҫӗнтернӗ", "Журналист сукмакӗпе" тата ытти те. Павел Афиногеновичӗн хайлавӗсене вырӑс, венгр, украина, туркмени чӗлхисене куҫарнӑ. Унӑн сценарийӗ тӑрӑх Чӑваш телестудийӗ "Республикӑн биографийӗ" 8 сериллӗ киноочерк ӳкернӗ.

2014 ҫулхи авӑн уйӑхӗн 21-мӗшӗнче вилнӗ.