Эктел (Сидоров) Василий Петрович (26.02.1950-17.08.2005).

Поэт, прозаик, публицист, ӳнер тата литература тишкерӳҫи, СССР писателӗсен союзӗн членӗ (1988), Чӑваш Республикин культурӑн тава тивӗҫлӗ ӗҫченӗ (1999).

1950 ҫулхи нарӑс уйӑхӗн 26-мӗшӗнче Елчӗк районӗнчи Лаш Таяпа ялӗнче ҫуралнӑ.

Василий Петрович Эктел (Сидоров) И.Я. Яковлев ячӗллӗ Чӑваш патшалӑх педагогика тата А.М. Горький ячӗллӗ Литература институтӗнче вӗреннӗ. Хӑй вӑхӑтӗнче учительте, Ӗлчӗк районӗн архитекторӗнче, Шупашкарти электроаппарат завочӗн художникӗнче, Чӑваш телекуравӗнче, "Ялав" тата "Пике" журналсен редакцийӗсенче ӗҫленӗ. Ҫӗнӗ ӗмӗр пуҫламӑшӗнче вара тӗрлӗ енлӗ аталаннӑ ӗҫчен республикӑри Профессионал писательсен фондне тата "Калем" издательствине ертсе пынӑ.

Василий Эктел тӗрлӗ жанрпа ҫырнӑ. Унӑн пӗрремӗш сӑввисем районти "Елчӗк ен" тата республикӑри "Пионер сасси" хаҫатсенче пичетленнӗ.

"Иртнӗ кун ҫути" (Свет прошедшего дня), "Тӗлӗнтермӗшсем" (Чудеса природы), "Ҫӗре тӑнлатӑп" (Внемлю земле), "Чи хитри" (Самый красивый), "Лили", "Шавкӑн" (Смятение), "Юлашки хӗрлӗ ҫулҫӑ ташши" (Танец последнего красного листа), "Сӑвӑр ҫырми" (Сурчиный овраг), "Самана сӑнӗсем" (Лики эпохи), "Пархатар" (Достояние) тата ытти кӗнекесен авторӗ.

Ҫыравҫӑ 2005 ҫулхи ҫурла уйӑхӗн 17-мӗшӗнче Шупашкарта вилнӗ.