(31.01.1939)
![Павловская Ангелина Ивановна](http://elbib.nbchr.ru/lib_files/kzd/kalendar/pavlovskaya_ai.jpg)
Павловская Ангелина Ивановна (31.01.1939)
Чӑваш ҫыравҫи.
1939 ҫулхи кӑрлачӑн 31-мӗшӗнче Вӑрмар районӗнчи Пӗчӗк Енккасси ялӗнче ҫуралнӑ.
Ангелина Ивановна Павловская Аслӑ Чак ялӗнчи ҫичӗ ҫул вӗренмелли шкултан, Ҫӗрпӳри библиотека техникумӗнчен вӗренсе тухнӑ. 1959-1964 ҫулсенче И.Я. Яковлев ячӗллӗ Чӑваш патшалӑх педагогика институтӗнче вӗреннӗ. Библиотекӑра вӑй хунӑ, шкулсенче ачасене вырӑс чӗлхипе литератури вӗрентнӗ.
А. Павловскаян пӗрремӗш хайлавӗ – "Ярӑм-ярӑм явӑнать тӗтре" – 1983 ҫулта "Ялав" журналта пичетленнӗ. Каярах унӑн "Ыраш шӑркана иккӗ лармасть", "Саланнӑ кӗлте", "Раштав саламӗ", "Сапаскар хӗрӗ" повеҫсем, "Вӗрене шывӗ те пылак" роман тата ытти калавсем тухнӑ.