Исмуков Николай Аверкиевич (02.03.1942).

Ученӑй, философи ӑслӑлӑхӗсен докторӗ, профессор, поэт, СССР писательсен Союзӗн членӗ (1985), Чӑваш Республикин искусствӑсен тава тивӗҫлӗ деятелӗ (1996), Чӑваш Республикин халӑх поэчӗ (2008), Раҫҫей Федерацийӗн професси вӗрентӗвӗн хисеплӗ ӗҫченӗ.

1942 ҫулхи пуш уйӑхӗн 2-мӗшӗнче Патӑрьел районӗнчи Первомайски ялӗнче ҫуралнӑ.

А. М. Горький ячӗллӗ Урал патшалӑх университетне пӗтернӗ, Мускаври педагогика университетӗнче аспирантурӑпа докторантурӑра вӗреннӗ. Философи наукисен докторӗ, профессор. СССР писателӗсен союзӗн членӗ (1985).

Н. Исмуков 14 кӗнеке пичетлесе кӑларнӑ: "Тӑван кӗтес", "Ҫӗр юрри", "Ахӑрсамана", "Тӗнче ытамӗнче", "Хӗрлӗ пилеш сапаки", "Хура пилеш сапаки", "Венок терновый", "Астивсе илмелӗх" тата ыттите.