Сарпи Раиса Васильевна (Бородкина) (02.01.1951)

Сӑвӑҫ, прозаик, драматург, куҫаруҫӑ, чӑваш халӑхӗн поэчӗ (2021), СССР писателӗсен союзӗн членӗ (1981), Ҫеҫпӗл Мишши (1987), Алексей Талвир (1994) ячӗллӗ премисен лауреачӗ, Чӑваш Республикин культурӑн тава тивӗҫлӗ ӗҫченӗ (2000).

1951 ҫулхи кӑрлач уйӑхӗн 2-мӗшӗнче Патӑрьел районӗнчи Нӑрваш Шӑхаль ялӗнче ҫуралнӑ.

Раиса Васильевна Яковлева-Бородкина (Сарпи) И.Н. Ульянов ячӗллӗ Чӑваш патшалӑх университетне пӗтернӗ. Чӑваш кӗнеке издательствинче, Чӑваш пукане театрӗнче ӗҫленӗ, "Пике" тата "Путене" журналсен тӗп редакторӗ пулнӑ, И.Н. Ульянов ячӗллӗ Чӑваш патшалӑх университетӗнче искусство кафедринче тӑрӑшнӑ.

Сӑвӑсемсӗр пуҫне пьесӑсемпе калавсем ҫырать, куҫарать. 300 ытла юрӑ, 10 пьеса, 40 кӗнеке авторӗ.

Паллӑрах кӗнекисем: "Кӑвак хуппи" (Зарница), "Хӗреслӗ ҫиҫӗм" (Перекрестные молнии), "Верую", "Остров моего спасения", "Выходи на улицу", "Небесные кони", "Розы в росе", "Пукане" (Кукла), "Тавах сире, атте-анне" (Благодарю вас, родители), "Ҫаврӑнуллӑ юрату" (Возвратная любовь) "Ҫӑлтӑрлӑ ӗмӗт" (Звездные мечты), "Чувашия любимая моя".

"Чӑваш Республики умӗнчи тава тивӗҫлӗ ӗҫсемшӗн" орден медалӗпе чысланӑ (2012).

Раиса Сарпи // Чӑваш литературин антологийӗ. – Шупашкар, 2015. – [Т. 4] : Ача-пӑча валли ҫырнӑ хайлавсем. – С. 391.