Кервень (Кошкин) Василий Гаврилович (18.02.1949)

Поэт, проза ӑсти, критик, куҫаруҫӑ, публицист, Раҫҫей Федерацийӗн писательсен союзӗн членӗ (1987), Раҫҫей Федерацийӗн журналистсен союзӗн членӗ, Чӑваш Республикин культурӑн тава тивӗҫлӗ ӗҫченӗ (1999), Марфа Трубина ячӗллӗ премин лауреачӗ (2002).

1949 ҫулхи нарӑс уйӑхӗн 18-мӗшенче Патӑръел районӗнчи Упамса ялӗнче ҫуралнӑ.

Кервень (Кошкин) Василий Гаврилович вӑтам шкул хыҫҫӑн И.Н. Ульянов ячӗллӗ Чӑваш патшалӑх университетӗнчи историпе филологи факультетӗнчен вӗренсе тухнӑ. Совет Ҫарӗнче хӗсметре пулнӑ.

Пичетри ӗҫ стажӗ 1969 ҫултанпа. "Пионер сасси" (халӗ "Тантӑш") хаҫат редакцийӗнче, "Хатӗр пул" (каярах "Ҫилҫунат", халӗ "Самант") журналӑн литературӑпа искусство пайӗн ертӳҫинче, Чӑваш Республикин писательсен союзӗн литература консультантӗнче ӗҫленӗ. Шупашкарти 29-мӗш номерлӗ вӑтам шкулта, 1994-мӗш ҫултан пуҫласа Раҫҫӗй коопераци университечӗн Шупашкарти коппераци институтӗнче аслӑ преподователь, доцент пулса ӗҫленӗ. 2011 ҫултанпа "Тӑван Атӑл" журналӑн редакторӗ, корреспонденчӗ.

Яппун халӑхӗн "Иссумбоси" юмахне сӑвӑласа кӑларнӑ. Тӗп кӗнекисем: "Туйӑм", "Хӗври хӗвел", "Ҫынсем", "Асамлӑ алӑксем" "Аслати чечекӗ" (Грозовые цветы), "Ӑс парать саспалли" (Азбука) тата ыт. те.

РСФСР писательсен правленийӗн союзӗн Хисеп грамотине тивӗҫнӗ (1989).