(07.08.1913-25.12.1991)
![Емельянов Прохор Кононович: фото](http://elbib.nbchr.ru/lib_files/kzd/kalendar/emelyanov.jpg)
Емельянов Прохор Кононович (07.08.1913-25.12.1991).
Прозаик, драматург, СССР писательсен Союзӗн членӗ (1978).
1913 ҫулхи утӑ уйӑхӗн 25-мӗшӗнче Элӗк районӗнчи Ураскильт ялӗнче ҫуралнӑ.
Элӗкри икӗ сыпӑклӑ шкулта, Чулхулари шыв техникумӗнче, Чӑваш патшалӑх ял хуҫалӑх, Чӑваш патшалӑх педагогика институчӗн историпе филологи факультетӗнче пӗлӳ илнӗ. Чулхулари ҫул- йӗр, Ҫӗмӗрлери вӑрман хуҫалӑхӗн техникумӗсенче, Канашри чугун ҫул шкулӗнче, Сӗнтӗрвӑрринчи вӑрман хуҫалӑхӗн техникумӗнче тата 2-мӗш номерлӗ вӑтам шкулта ӗҫленӗ. Писатель Тӑван ҫӗршывӑн аслӑ вӑрҫинче пулнӑ.
Тӑван ҫӗршыв вӑрҫин II степеньлӗ орденне тата медальсем илме тивӗҫлӗ пулнӑ.
XX ӗмӗрӗн 30-мӗш ҫулсенче пичетленме пуҫланӑ. Малтанхи сӑввисем, очеркӗсем, фельетонӗсем "Сунтал" журналта, "Ҫамрӑк колхозник", "Канаш", "Красная Чувашия" хаҫатсенче пичетленнӗ. Ҫыравҫӑ Чӑваш литературин хрестоматине хатӗрлес ӗҫе хутшӑннӑ. Ачасем валли ҫыравҫӑн ҫак кӗнекесем пичетленнӗ: "Ҫумӑр тумламӗ" (1963), "Эпӗ сукмакпа пыратӑп" (1972), "Юратнӑ тусӑмсем" (1982), "Япаласем ӑҫтан килнӗ?" (1991).
1991 ҫулхи раштав уйӑхӗн 25-мӗшӗнче ҫӗре кӗнӗ.