Слован Савгай (Кондратьев, Вячеслав Николаевич) (03.08.1952-09.11.2005)

Поэт, журналист, СССР журналисчӗсен пӗрлешӗвӗн членӗ (1982).

1952 ҫулхи ҫурла уйӑхӗн 3-мӗшӗнче Вӑрнар районӗнчи Кушлавӑш салинче ҫуралнӑ.

Вячеслав Николаевич Кондратьев (Слован Савгай) М.В. Ломоносов ячӗллӗ Мускав патшалӑх университечӗн журналистика факультетне пӗтернӗ. "Молодой коммунист", "Коммунизм ялавӗ" ("Хыпар") хаҫатсенче тата "Капкӑн" журналта ӗҫленӗ. Ун сӑввисем республикӑри хаҫат-журналта, "Кун-ҫул каҫалӑкӗ" (1987), "Шӑтӑк витре" (1988) коллективлӑ сборниксенче пичетленнӗ. Поэтӑн "Тӗлӗнекен чечек" (2007) тата "Анне пехилӗ" (2011) кӗнекисем тухнӑ.

С. Савгай 2005 ҫулта ҫӗре кӗнӗ.