Скворцов Юрий Илларионович (10.01.1931-11.08.1977).

Поэт, прозаик, публицист, критик, куҫаруҫӑ, СССР Писателӗсен союзӗн членӗ (1964).

Чӑваш Республикинчи Муркаш районне кӗрекен Хурӑнкасси ялӗнче 1931 ҫулхи кӑрлачӑн 10- мӗшӗнче ҫуралнӑ.

Вӑтам шкулта, Чӑваш патшалӑх педагогика институтӗнче вӗреннӗ. Чӑваш кӗнеке издательствин редакторӗнче ӗҫленӗ (1956-1965). Пӗр вӑхӑт Чӑвашрадио корреспонденчӗ, "Тӑван Атӑл" журналӑн яваплӑ секретарӗ пулнӑ. Унтан каллех Чӑваш кӗнеке издательствинче вӑй хунӑ.

Пӗремӗш сӑвви 1953 ҫулта "Ялав" журналта пичетленнӗ. Унӑн пултаруллӑхӗнче "Уках хурӑнӗ", "Хӗрлӗ мӑкӑнь", "Ҫын ӑшши" повеҫсем уйрӑмах паллӑ вырӑн йышӑнаҫҫӗ. Чылай-чылай сӑввине композиторсем кӗвве хывнӑ. Писатель ытти халӑх писателӗсен произведенийӗсене чӑвашла куҫарас тӗлӗшпе те тимлесе ӗҫленӗ. Паллӑрах кӗнекесем: "Сурӑм хӗрӗ" , "Уках хурӑнӗ", "Хӗвеле хирӗҫ", "Ҫын ӑшши", "Сарӑ кунсем", "Сӑваплӑ вут", "Ҫул юлташӗ", "Хӗрлӗ мӑкӑнь"; вырӑсла - "Красный мак", "И все стало иным...".

Писатель 1977 ҫулхи ҫурла уйӑхӗн 11-мӗшӗнче Шупашкарта вилнӗ.