Юмарт (Трофимов) Геннадий Федорович (05.05.1938).

Писатель, куҫаруҫӑ, фольклорист, СССР писателӗсен союзӗн членӗ (1985), Чӑваш АССРӗн К.В. Иванов ячӗллӗ Патшалӑх премийӗн (1988), В. Митта (1987), П. Хусанкай (2002), Н. Янкас (1999) ячӗллӗ премисен лауреачӗ, Чӑваш Республикин культурӑн тава тивӗҫлӗ ӗҫченӗ (1988).

1938 ҫулхи ҫу уйӑхӗн 5-мӗшӗнче Красноармейски районӗнчи Кайри Карӑк ялӗнче ҫуралнӑ.

Геннадий Федорович Трофимов (Юмарт) И.Я. Яковлев ячӗллӗ Чӑваш патшалӑх педагогика институтӗнчен вӗренсе тухнӑ. Самар облаҫӗнчи шкулсенче ӗҫленӗ, Чӑваш кӗнеке издательствин редакторӗ пулнӑ. Нумай ҫул Чӑваш патшалӑх гуманитари ӑслӑлӑхӗсен институтӗнче тата И.Н. Ульянов ячӗллӗ Чӑваш патшалӑх университетӗнче вӑй хунӑ.

Г. Юмартӑн "Тивӗҫ" (Долг) (1969), "Курак тӑманӗ" (Грачиная метель) (1971), "Керменкке" (Теремок) (1979), "Кӗмӗл алтӑр" (Серебряный ковш) (1988), "Авалхи хавал" (Древний дух) (2001), "Асаттесем" (Предки) (2006) тата ыт. кӗнекесем тухнӑ.