Харитонов Владимир Eгорович (25.03.1933-01.06.1990)

Ҫыравҫӑ, сӑвӑҫ, СССР писателӗсен пӗрлешӗвӗн членӗ (1974).

1933 ҫулхи пуш уйӑхӗн 25-мӗшӗнче Красноармейски районӗнчи Пайсупин ялӗнче ҫуралнӑ.

Владимир Егорович Харитонов И.Я. Яковлев ячӗллӗ Чӑваш патшалӑх педагогика институтӗнче вӗреннӗ, Шупашкарти Ф.П. Павлов ячӗллӗ музыка училищинче тата Хусанти консерваторире юрӑҫ профессине алла илнӗ. Чӑваш патшалӑх юрӑпа ташӑ ансамблӗнче, Чӑваш телевиденипе радио комитетӗнче музыка передачисен редакторӗнче ӗҫленӗ.

Унӑн 50 ытла сӑввине чӑваш композиторӗсем юрра хывнӑ. "Тав" (1968), "Шухӑш" (1973), "Чун хавалӗ" (1978), "Туслӑх ҫаврӑмӗ" (1983) тата ытти кӗнекесен авторӗ.

1990 ҫулхи ҫӗртме уйӑхӗн 1-мӗшӗнче Шупашкарта ҫӗре кӗнӗ.