Антонов Леонид Илларионович (18.06.1939)

Сӑвӑҫ, публицист, Раҫҫей писателӗсен союзӗн членӗ (1997), Н. Янкас ячӗллӗ преми лауреачӗ

1939 ҫулхи ҫӗртме уйӑхӗн 18-мӗшӗнче Красноармейски районӗнчи Красноармейски салинче ҫуралнӑ.

Леонид Илларионович Антонов Чӑваш ял хуҫалӑх институтӗнчи агрономи факультетне пӗтернӗ. Колхоз председателӗнче тата агрономра ӗҫленӗ, Красноармейски районӗнчи ҫӗр ресурсӗсен управленине ертсе пынӑ.

Малтанхи сӑввисем "Ял пурнӑҫӗ" хаҫатра, "Ялав", "Хатӗр пул", "Тӑван Атӑл" журналсенче тата коллективла сборниксенче пичетленнӗ. Ытларах ҫут ҫанталӑк илемӗ, туслӑхпа юрату ҫинчен ҫырать. Ун сӑввисене композиторсем час-часах юрра хываҫҫӗ.

"Тулли пучах" (1988) тата "Сӑвӑсем" (1990) кӗнекесен авторӗ.

Леонид Антонов // Чӑваш литературин антологийӗ. – Шупашкар, 2013. – [Т. 2] : Поэзи. – С. 416.