Муратов Федор Федорович (02.01.1944-25.01.1996)

Поэт, СССР писателӗсен пӗрлешӗвӗн членӗ (1991).

1944 ҫулхи кӑрлач уйӑхӗн 2-мӗшӗнче Элӗк районӗнчи Туҫи Шӗмшеш ялӗнче ҫуралнӑ.

Федор Федорович Муратов Мускаври полиграфи техникумӗнчен (1967) тата И.Я. Яковлев ячӗллӗ Чӑваш патшалӑх педагогика институтӗнчен (1975) вӗренсе тухнӑ. СССР писательсен пӗрлешӗвӗн членӗ (1991). Элӗк районӗнчи "Ленин ҫулӗпе" хаҫат ҫумӗнчи И. Тукташ ячӗллӗ литература пӗрлешӗвне ертсе пынӑ.

Унӑн "Ӗмӗт, шанӑҫ, юрату" (1988), "Ӑраскал кӗввисем" (1992) кӗнекесем тухнӑ, "Ялав" тата "Тӑван Атӑл" журналсенче пичетленнӗ. Ытларах чун тасалахӗ, юрату, ҫӗршыв тата халӑх умӗнчи тивӗҫ ҫинчен ҫырнӑ.

Поэт 1996 ҫулта тӑван ялӗнче ҫӗре кӗнӗ.